Category

Tilnefningar 2020

Dómnefndir 2019 – 2020

By | awards, Fréttir, news, Tilnefningar 2020 | No Comments

 


Dómnefndir Íslensku tónlistarverðlaunanna voru skipaðar með eftirfarandi hætti.

 

Sígild og samtímatónlist

Friðrik Margrétar-Guðmundarson
Gísli Magna
Hlín Pétursdóttir
Signý Leifsdóttir
Svanhildur Óskarsdóttir
Tui Hirv – Formaður dómnefndar

Popp, rokk, raftónlist, rapp og hipphopp

Erla Stefánsdóttir
Hannes Friðbjarnarson
Helga Þórey Jónsdóttir – Formaður dómnefndar
Ólafur Halldór Halldórsson
Ólafur Páll Gunnarsson
Ómar Úlfur Eyþórsson
Þorbjörg Roach Gunnarsdóttir

Djass og blús

Ari Daníelssson
Guðlaug Dröfn Ólafsdóttir
Sigrún Kristbjörg Jónsdóttir
Skúli Þórðarson
Þóra Sif Svansdóttir – Formaður dómnefndar

Önnur tónlist: Opinn flokkur, þjóðlagatónlist og heimstónlist, kvikmynda- og leikhústónlist

Arnar Eggert Thoroddsen
Friðrik Margrétar-Guðmundarson
Helga Þórey Jónsdóttir
Þóra Sif Svansdóttir
Þráinn Árni Baldvinsson – Formaður dómnefndar

Dómnefnd Albumm.is í formennsku Steinars Fjeldsted tilnefndi og valdi tónlistarmyndband ársins ásamt lesendum síðunnar.

Sérstaka aðstoð og umsögn veitti Þormar Melsted við greiningu og umræðu þegar farið var yfir innsendingar á Plötuumslagi ársins.

Stjórn Íslensku tónlistarverðlaunanna þakkar dómnefndum kærlega fyrir frábæra samvinnu, vönduð vinnubrögð, gott og óeigingjarnt starf.

Tilnefningar með rökstuðningi dómnefnda

By | awards, Fréttir, news, Tilnefningar 2020, Uncategorized | No Comments


Tilnefningar til Íslensku tónlistarverðlaunanna 2020 voru kynntar 19. febrúar  að viðstöddu fjölmenni í Kornhlöðunni.

 

Hér að neðan er að finna lista yfir tilnefningar til Íslensku tónlistarverðlaunanna fyrir tónlistarárið 2019 ásamt rökstuðningi dómnefnda úr öllum flokkum.

DJASS OG BLÚS – TILNEFNINGAR

PLATA ÁRSINS

ADHD – ADHD 7
Skapmikil og í senn einlæg plata. Hér heldur ferðalag hljómsveitarinnar áfram um þeirra eigið landslag og hljóðheim þar sem innlifun og samspil er allsráðandi. Einfaldleiki laglínanna er þeirra styrkur í kyngimögnuðu andrúmsloftinu. Töfrarnir birtast í þögnum á milli nótnanna.

Einar Scheving – Mi Casa, Su Casa
Hér fléttast saman mögnuð spilamennska og fagrar tónsmíðar sem hitta hlustandann beint í hjartastað. Mjúkur og áreynslulaus hljóðheimurinn ber sterk höfundareinkenni Einars, sem teflir fram einvalaliði, eins og á fyrri plötum. Frábær flutningur og hljóðmynd.

hist og – Days of Tundra
Einstakur og frumlegur hljóðheimur þar sem rafhljóð og hljóðfæri mætast á jafnréttisgrundvelli. Ferskt og tilraunakennt en á sama tíma ákaflega áheyrilegt verk sem hirðir ekki um hefðbundin landamæri. Er þetta djass? Skiptir það máli?

Ingi Bjarni Skúlason – Tenging
Tenging er þriðja plata Inga Bjarna. Hér ríkir angurværð yfir vötnum í þroskuðum tónsmíðum og haganlegum útsetningum. Áferð og flutningur er af norræna skólanum og gefur plötunni sterkan heildarsvip. Flutningur af hæsta gæðaflokki þar sem trompetleikur Jakobs Eri Myhre stendur upp úr, ásamt píanóleik hljómsveitarstjórans.

Tómas Ragnar Einarsson – Gangandi bassi
Bassaleikarinn Tómas R Einarsson er þekktur fyrir að fanga afslappað andrúmsloft Kúbu og þar er platan Gangandi bassi engin undantekning. Hér ganga tónmál swingsins og latínsveiflunnar í eina sæng svo úr verður einlæg svipmynd af tónskáldinu Tómasi. Leikandi blús og bop kenndar laglínur svífa yfir dynjandi hrynsveitinni sem er að rifna úr spilagleði.


TÓNVERK ÁRSINS

AVI
Tónskáld: Andrés Þór
Lagið Avi eftir Andrés Þór er angurvær ballaða með fallegum stíganda þar sem gítarinn fær að njóta sín. Er hér kominn nýr íslenskur djass standard?

Ballad for my fearless friend
Tónskáld: Ingi Bjarni Skúlason
Grípandi stef og orkumikill hrynjandi í þrástefi setja lagið upp á myndrænan hátt. Þetta margslungna verk býður óttanum birginn frá því það byrjar sem nokkurskonar ballaða en þróast yfir í eitthvað allt annað. Eitthvað sem enginn djassunandi ætti að láta fram hjá sér fara.

Counting Sheep
Tónskáld: Sigurður Flosason
Vel úthugsað og áleitið stykki þar sem taktur, hljóma- og bassagangur og laglína togast í ýmsar ólíkar áttir en falla svo aftur snilldarlega saman. Sigurður Flosason er meistari formsins og verkið ber sterk höfundareinkenni. Frábær píanóleikur hins Lúxemborgíska Michel Reis stendur upp úr.

Hangir
Tónskáld: ADHD
Enn ein rósin í hnappagat ADHD. Lagið Hangir ber sterk höfundaeinkenni þar sem saman fléttast einfaldur hljómagangur, sterk laglína og dramatískur stígandi að hætti hússins.

Óravídd
Tónskáld: Einar Scheving
Það er nánast eitthvað trúarlegt, óræðið og yfirnáttúrulegt við þennan fallega djasssálm Einars Scheving. Expressívur flutningur hljómsveitarinnar rær hlustandanum yfir í óþekktar óravíddir.


LAGAHÖFUNDUR ÁRSINS – DJASS OG BLÚS

Anna Gréta Sigurðardóttir
Árið 2019 var annasamt hjá Önnu Grétu, sem er búsett í Stokkhólmi og starfar þar að mestu ásamt því að spila á Íslandi og á meginlandi Evrópu. Anna Gréta sendi frá sér plötuna Brigther, ásamt gítarleikaranum Max Schultz, þar sem hún samdi 7 af verkum plötunnar og útsetti 3 strengjaútsetningar. Auk þess samdi Anna verk fyrir Stórsveit Reykjavíkur og Norrbotten Big Band í Svíþjóð. Anna Gréta hlaut ýmsar viðkenningar á árinu frá sænskum aðilum, m.a. eftirsótt verðlaun kennd við Monicu Zetterlund.

Einar Scheving
Ný plata Einars Scheving er í anda tveggja fyrri platna kvartetts hans, Cycles og Intervals, og einkennist af lágstemmdum en áhrifamiklum verkum sem mynda sterka heildarmynd. Ljóðrænar tónsmíðarnar kalla fram ljúfsár hughrif, senda hlustandann í ferðalag og koma honum aftur heim. Þetta er tónlist sem kallar á að hlustað sé á með hjartanu. Einar semur tónlist sína með kvartettinn í huga og nýtir hann á sannfærandi hátt sem sitt aðalhljóðfæri.

Ingi Bjarni Skúlason
Jákvæður kraftur og ríkt hugmyndaflug einkenna ferskar tónsmíðar Inga Bjarna sem eru innblásnar af djasshefð og norrænum þjóðlögum. Margslungnar tónsmíðar og vel úthugsaðar útsetningar sem verða betri með hverri hlustun.

Mikael Máni Ásmundsson
Á fyrstu sólóplötu Mikaels Mána er að finna listilegar lagasmíðar sem sækja innblástur í flókið lífshlaup skákmeistarans Bobby Fischer. Tíu hugleiðingar eða sögur sem grípa hlustandann og sleppa honum ekki.

Tómas Ragnar Einarsson
Tómas er Íslandsmeistari í Kúbudjassi og á nýjustu plötu sinni Gangandi bassi, er valinn maður í hverju horni. Blús og bopskotnum línum er kastað fram, oftar en ekki með kómísku yfirbragði. Laglínurnar falla vel að kontrabassanum og ganga í endurnýjun lífdaga þegar saxófónninn eða gítarinn bætast við. Allt sultuslakt og á gönguhraða Havana.


TÓNLISTARFLYTJANDI ÁRSINS – EINSTAKLINGUR

Andrés Þór
Andrés er djassgítarleikari í hæsta gæðaflokki og hefur um árabil verið leiðandi í íslensku djasssenunni. Flytjandaeinkenni hans eru hlýr og þéttur gítartónn í bland við hárnákvæman og lipran spuna. Á árinu 2019 sendi Andrés frá sér plötuna Paradox og fylgir þar eftir plötunni Ypsilon frá árinu 2016. Eins og á fyrri verkum velur Andrés með sér einvala lið innlendra og erlendra meðspilara.

Anna Gréta Sigurðardóttir
Árið 2019 var annasamt hjá Önnu Grétu, sem er búsett í Stokkhólmi og starfar þar að mestu ásamt því að spila á Íslandi og á meginlandi Evrópu. Anna Gréta sendi frá sér plötuna Brigther, ásamt gítarleikaranum Max Schultz, þar sem hún samdi sjö verk plötunnar og skrifaði þrjár strengjaútsetningar. Auk þess samdi Anna verk fyrir Stórsveit Reykjavíkur og Norrbotten Big Band í Svíþjóð. Anna Gréta hlaut ýmsar viðkenningar á árinu frá sænskum aðilum, m.a. eftirsótt verðlaun kennd við Monicu Zetterlund.

Ingi Bjarni Skúlason
Ingi Bjarni er afkastamikill píanisti og tónskáld sem á skömmum tíma hefur sent frá sér plöturnar Skarkali​ (2015), ​Fundur​ (2018) og nú Tenging (2019). ​Þroskaður flutningur Inga Bjarna sýnir frábært innsæi og sterka tengingu við meðspilara og efnistök. Útgáfutúr Tengingar var veglegur en alls lék kvintett plötunnar sex tónleika vítt og breitt um landið í september.

Sunna Gunnlaugsdóttir
Sunna er sérlega ötull og afkastamikill djasspíanisti, tónskáld og tónleikahaldari. Þar er síðasta ár engin undantekning þar sem hún lék fjölda tónleika erlendis sem og hér á landi. Samstarf tríós Sunnu með finnska trompetleikaranum Verneri Pohjola hélt áfram og lék kvartettinn á Jazz Ahead hátíðinni í Þýskalandi. Sunna kom einnig fram á tónleikum á Ítalíu, Prag og í Köln ásamt því að að leiða hljómsveit skipaða þýskum djasstónlistarkonum á hátíðartónleikum í samvinnu við þýska sendiráðið á Íslandi.

Sigurður Flosason
Sigurður Flosason heldur uppi sama hætti og hin fyrri ár og efnir til gjöfuls samstarfs við erlenda flytjendur og tónsmiði. Á árinu 2019 gaf að líta fyrstu afurð samstarfs hans við leiðandi djasstónlistarmenn frá Lúxemborg, sem var fylgt úr hlaði með fjölda tónleika á Íslandi og á meginlandi Evrópu. Auk þess var Sigurður í fararbroddi í starfi og tónleikahaldi Stórsveitar Reykjavíkur, eins og fyrri ár, ásamt því að koma fram á og skipuleggja fjölda tónleika og tónleikaraða á árinu.

TÓNLISTARFLYTJANDI ÁRSINS – HÓPAR

ADHD
ADHD var á faraldsfæti á síðastliðnu ári og lék yfir þrjátíu tónleika erlendis. Ber þá hæst að nefna Elbjazz í Hamburg, Djasshátíð Kaupmannahafnar, Nattjazz í Bergen, Jazzfest í Trondheim, Wejazz í Helsinki, Konserthaus í Berlin og loks útgáfutónleika í Kaldalóni í lok maí. Eftir áralangar og reglulegar tónleikaferðir á meginlandinu á hljómsveitin sér nú traustan aðdáendahóp sem fyllir gjarnan tónleika sveitarinnar.

hist og
Tríóið hist og hefur verið duglegt við að hræra í pottunum á síðasta ári með sínum slagþunga og þokukennda djasskokteil. Tríóið gerði góð mót víðsvegar um Reykjavík, þ.á.m. í Mengi, Jazzhátíð Reykjavíkur og á hinum rómaða bar Röntgen. Þeir gáfu út plötuna Days of Tundra í september, sem var tilnefnd til Kraumsverðlaunanna, og hlutu viðurnefnið Spuni Ársins í samantekt Árna Matt í Morgunblaðinu yfir plötur ársins. Í samantektinni segir meðal annars: “Ef vel á að vera þurfa spunatónlistarmenn að þekkja hver annan svo vel að þeir viti fyrirfram hvert skal stefna. Þannig er því farið á plötunni Days of Tundra”.

Ingi Bjarni Kvintett
Ingi Bjarni Skúlason leiðir kvintett skipaðan hljóðfæraleikurum sem kynntust í samnorrænu meistaranámi og leika verk Inga Bjarna á plötunni Tenging. Verkin eru sérstaklega samin með persónuleika og sérhæfðan hljóðfæraleik hljómsveitameðlima að leiðarljósi heldur en eiginlega hljóðfærasamsetningu. Útgáfu plötunnar var fagnað með veglegum tónleikatúr um landið í lok september.

Sigurður Flosason DeLux
Þessi íslensk-lúxemborgíski kvartett gaf út plötuna Here and Now í janúar hjá Double Moon útgáfunni í Þýskalandi. Komu þeir fram á fjölmörgum tónleikum í Lúxemborg, Þýskalandi og á Íslandi, þar á meðal á Jazzhátíð Reykjavíkur. Auk Sigurðar skipa kvartettinn tónlistarmenn úr framvarðarsveit lúxemborgískrar djasstónlistar.

Stórsveit Reykjavíkur
Tónleikaröð Stórsveitar Reykjavíkur í Hörpu 2019 var nokkuð umfangsmikil og lék sveitin á fjölda tónleika. Eins og fyrri ár þá tekst sveitin á við mjög ólík og krefjandi verkefni þar sem fengist er við vítt svið djasstónlistar af öllum gerðum – innlenda og erlenda, framsækna og létta. Heiðurstónleikar Ellingtons og Nat King Cole kallast á við nýja frumsamda íslenska tónlist og tónleikadagskrá með einungis verkum eftir konur. Gestir undanfarin ár hafa verið úr fremstu röð heimsins á þessu sviði, en einnig íslenskir djasstónlistarmenn og popptónlistarmenn. Þannig leggur Stórsveit Reykjavíkur sig fram um að vera nokkurskonar sinfóníuhljómsveit rytmískrar tónlistar á Íslandi og leikur fyrir unga sem gamla, gamanreynda djassgeggjara og almenna áheyrendur.


TÓNLISTARVIÐBURÐUR ÁRSINS

Freyjujazz
Tónleikaröðin​ ​Freyjujazz hefur haft aðsetur í Listasafni Íslands. Á árinu 2019 voru tólf tónleikar þar sem íslenskar konur voru leiðandi í samstarfi við íslenska starfsbræður sína og systur. Á liðnu ári komu einnig fimm þýskar tónlistarkonur fram á tónleikum Freyjujazz í samvinnu við þýska sendiráðið til heiðurs þeim 240 þýsku konum sem fluttu til Íslands eftir stríð. Freyjujazz hefur það að markmiði að skapa tækifæri fyrir konur í djassi og auka sýnileika þeirra.

Tónleikaröð Stórsveitar Reykjavíkur
Tónleikaröð Stórsveitar Reykjavíkur í Hörpu 2019 var nokkuð umfangsmikil og lék sveitin á fjölda tónleika. Eins og fyrri ár þá tekst sveitin á við mjög ólík og krefjandi verkefni þar sem fengist er við vítt svið djasstónlistar af öllum gerðum – innlenda og erlenda, framsækna og létta. Heiðurstónleikar Ellingtons og Nat King Cole kallast á við nýja frumsamda íslenska tónlist og tónleikadagskrá með einungis verkum eftir konur. Gestir undanfarin ár hafa verið úr fremstu röð heimsins á þessu sviði, en einnig íslenskir djasstónlistarmenn og popptónlistarmenn. Þannig leggur Stórsveit Reykjavíkur sig fram um að vera nokkurskonar sinfóníuhljómsveit rytmískrar tónlistar á Íslandi og leikur fyrir unga sem gamla, gamanreynda djassgeggjara og almenna áheyrendur.

Tónleikadagskrá Jazzklúbbsins Múlans í Hörpu
Jazzklúbburinn Múlinn er að ljúka sínu tuttugasta og þriðja starfsári ​og hefur starfsemin verið bæði kraftmikil og blómleg. Fjöldi tónleika með mesta móti og aðsókn á tónleika góð. Alls stóð klúbburinn fyrir fjörutíu tónleikum á árinu 2019. Dagskrá Múlans er eina reglulega tónleikadagskráin þar sem boðið er upp á djasstónlist í Reykjavík með formlegum hætti. Áætlað er að klúbburinn hafi staðið fyrir rúmlega 550 tónleikum frá upphafi.


SÍGILD- OG SAMTÍMATÓNLIST – TILNEFNINGAR

PLATA ÁRSINS

Concurrence
Sinfóníuhljómsveit Íslands undir stjórn Daníels Bjarnasonar
Verkin á Concurrence eiga vel saman en sýna líka hve íslensk samtímatónlist er margbreytileg. Flutningurinn er fyrsta flokks og sérstaka athygli vekur upptökustjórnin sem er framsækin og metnaðarfull.

Drang in die Ferne
Benedikt Kristjánsson, Alexander Scmalcz, Tillmann Höfs
Óvenjuleg plata þar sem íslenskum þjóðlögum er stefnt til móts við valin sönglög Schuberts. Samsetningin er sannfærandi, túlkun stílviss og samspil söngvara og hljóðfæraleikara fallega mótað.

Lucid
Þóranna Dögg Björnsdóttir og Federico Placidi
Verkin á plötunni bjóða hlustendum í órætt ferðalag milli rafhljóða og hefðbundinna hljóðgjafa. Hér er skapaður margbreytilegur hljóðheimur en engu að síður er uppbygging verkanna og úrvinnsla skýr.

South of the Circle
Strokkvartettinn Siggi
Metnaðarfull plata með framsæknum og óvenjulegum verkum fyrir strengjakvartett. Hér sýnir strokkvartettinn hversu dýnamískt og áhugavert form strengjakvartettinn getur verið.

Vernacular
Sæunn Þorsteinsdóttir
Heildstæð plata sem sýnir vel hversu fær flytjandi Sæunn er. Verkin á plötunni vitna um gróskuna í íslenskri samtímatónlist og Sæunn túlkar þá fjölbreytni á aðdáunarverðan hátt.


TÓNVERK ÁRSINS

Crevace, konsert fyrir flautu og fagott
Páll Ragnar Pálsson
Páll Ragnar fléttar tveimur djörfum einleikspörtum saman við framsækin og hugvitssöm hljómsveitarskrif. Persónulegt og myndrænt tónmál Páls nýtur sín vel í þessu verki þar sem hann nær að tengja saman tóna og þann kraft sem ólgar í iðrum jarðar.

Enigma
Anna Þorvaldsdóttir
Við hlustun á ​Enigma​ er vart hægt að ímynda sér að hér séu einungis fjögur hljóðfæri á ferð. Anna Þorvaldsdóttir setur saman ótrúlegustu hljóð sem mynda sterka og sannfærandi heild.

Lendh
Veronique Vaka
Tónmál Veronique Vöku er myndrænt og persónulegt. ​Lendh​ sýnir ótvírætt hversu gott vald hún hefur á því að skrifa fyrir hljómsveit og útfærslan ber vott um hvorttveggja í senn: hugmyndaauðgi og natni.

Music to accompany your sweet splatter dreams
Bára Gísladóttir
Verkið er tilraunakennt, áhrifaríkt og spennandi. Bára Gísladóttir sýnir kjark þar sem hún sprengir ramma eigin höfundarverks og rótar upp þeim jarðvegi sem hún er sprottin úr.

Mysterium op. 53
Hafliði Hallgrímsson
Fágað og innihaldsríkt verk þar sem tónlist og texti mynda sterka heild og samspil kórs, orgels, hljómsveitar og einsöngvara er listilega útfært. Markvert og nútímalegt framlag til íslenskrar kirkjutónlistar.


TÓNLISTARVIÐBURÐUR ÁRSINS – TÓNLEIKAR

Hljóðön – Sýning tónlistar, Hafnarborg.
Spennandi og frumleg sýning með áhrifaríkum upphafstónleikum. Hér var unnið með samspil tónlistar og rýmis og flutningur Jennifer Torrence á verkinu ​Níu bjöllur​ eftir Tom Johnson var einkar vel heppnaður.

Rökkur – Nordic Affect og Maja S. K. Ratkje
Tónleikar á ​Myrkum músíkdögum
Eftirminnilegir tónleikar þar sem Nordic Affect og norska tónskáldið og flytjandinn Maja S. K. Ratkje leiddu saman hesta sína. Tónlistin byggði á samþáttun andstæðra hugmynda í frjálslegu og fjölbreyttu verki Ratkje.

The Little Match Girl Passion & Death Speaks
Tónleikar á ​Ljóðadögum Óperudaga
Frumflutningur tveggja verka eftir bandaríska tónskáldið David Lang á Íslandi. Efnisval tónleikanna var djarft og vel úthugsað og á eftir vönduðum flutningi fylgdi áhugavert samtal við Lang.

Orðin hljóð: Tónlistarhátíð Rásar eitt – Strokkvartettinn Siggi
Á þessum tónleikum birtust verk úr suðupotti frumsköpunar bókmennta og tónlistar á Íslandi í einkar sannfærandi flutningi. Öll verkin voru pöntuð sérstaklega af Ríkisútvarpinu og eru verðmæt viðbót við íslenskar tónbókmenntir.

Sinfóníuhljómsveit Íslands​ ​undir stjórn Daníels Bjarnasonar á Myrkum músíkdögum
Metnaðarfullir tónleikar með íslenskum verkum. Efnisskráin var einkar vel samsett þar sem saman fór frumflutningur nýrra verka og tímabærir endurfundir við flautukonsert Þuríðar Jónsdóttur, ​Flutter​.


TÓNLISTARFLYTJANDI ÁRSINS – EINSTAKLINGAR

Bjarni Frímann Bjarnason
Bjarni Frímann er fjölhæfur listamaður og kraftar hans nýtast vel íslensku tónlistarlífi. Hann sýndi einstaka hæfni sem listrænn stjórnandi í störfum sínum fyrir Íslensku óperuna og Sinfóníuhljómsveit Íslands á liðnu ári. Næmni hans á stíl, hvort sem um er að ræða gamla eða nýja tónlist, er aðdáunarverð.

Laufey Jensdóttir
Laufey Jensdóttir vakti verðskuldaða athygli fyrir einleik sinn í fiðlukonsert eftir Pergolesi á jólatónleikum Kammersveitar Reykjavíkur. Hún er í forystu Barokkbandsins Brákar sem hefur heillað áheyrendur með brakandi ferskum upprunaflutningi, síðast í ​Jóhannesarpassíu​ Bachs sem bandið flutti ásamt Cantoque Ensemble.

Sigurgeir Agnarsson
Sigurgeir Agnarsson er leiðari sellódeildar Sinfóníuhljómsveitar Íslands en var einnig áberandi í flutningi kammertónlistar á liðnu ári, svo sem á tónleikum Kammermúsíkklúbbsins og á Reykholtshátíð sem hann stýrir. Á árinu bar þó hæst rómaðan flutning þeirra Ara Þórs Vilhjálmssonar á tvíkonsert Brahms með Sinfóníuhljómsveitinni.

Sæunn Þorsteinsdóttir
Sæunn Þorsteinsdóttir er meira en sellóleikari. Með nánu samstarfi við tónskáld þróar hún ekki einungis sína eigin list heldur líka tónmál og rithátt tónskáldanna og möguleika hljóðfærisins. Frjótt starfsár Sæunnar er þversnið af staðfastri vinnu hennar við nútímatónlist og óþreytandi kynningarstarfi í þágu íslenskra listamanna.

Víkingur Heiðar Ólafsson
Víkingur Heiðar Ólafsson tók við stöðu staðarlistamanns Konzerthaus í Berlín á árinu og hélt einleikstónleika víða um lönd. Hann fylgdi Sinfóníuhljómsveit Íslands í tónleikaferð til Austurríkis og Þýskalands þar sem hann lék píanókonsert Daníels Bjarnasonar, ​Processions​. Hér heima stýrði hann tónlistarhátíðinni Reykjavík Midsummer Music og fór þar á kostum, ekki síst í flutningi verka eftir Bach og Shostakovitsj.


TÓNLISTARFLYTJANDI ÁRSINS – HÓPAR

Elektra Ensemble
Í áratug hefur Elektra verið eitt af flaggskipum íslenskrar samtímatónlistar. Hópinn skipa fimm framúrskarandi tónlistarkonur sem eru ófeimnar við tilraunir. Tíu ára afmælisins var minnst með útgáfu nýrrar plötu með verkum sem samin hafa verið sérstaklega fyrir Elektru og glæsilegum útgáfutónleikum.

Kammersveit Reykjavíkur
Kammersveit Reykjavíkur er landsþekkt að vönduðum flutningi kammerverka, jafnt nýrra sem eldri. Af verkefnum á árinu sætti glæsilegur flutningur sveitarinnar á kammersinfóníum Schönbergs og Adams mestum tíðindum.

Sinfóníuhljómsveit Íslands
Sinfóníuhljómsveit Íslands er órjúfanlegur hluti af öflugu tónlistarlífi landsins. Hún stuðlar að frumsköpun og fjölbreyttu samstarfi innanlands og starfar ötullega að því að kynna sígilda tónlist fyrir ungum hlustendum. Sveitin hélt í velheppnaða tónleikaferð til Austurríkis og Þýskalands á árinu og ný plata hennar ​Concurrence​ vakti mikla athygli.


SÖNGVARI ÁRSINS

Benedikt Kristjánsson
Flutningur Benedikts Kristjánssonar og samverkamanna hans á ​Jóhannesarpassíu​ Bachs vakti mikla athygli og hrifningu erlendis á árinu. Þar fer Benedikt einn með öll einsöngshlutverk og stjórnar áheyrendum í kórsöng. Benedikt gaf einnig út einsöngsplötu þar sem fléttað er saman íslenskum þjóðlögum og sönglögum eftir Schubert svo hvorttveggja birtist í nýju ljósi.

Fjölnir Ólafsson
Fjölnir Ólafsson hefur skapað sér sess sem óratóríusöngvari og ljóðatúlkandi. Frammistaða hans í ​Jóhannesarpassíu​ Bachs með Cantoque Ensemble, þar sem hann söng hlutverk Pílatusar og aríur, var glæsileg, og ljóðatúlkun hans naut sín á tónleikum í Tíbrárröð Salarins og á Sígildum sunnudögum í Hörpu.

Oddur Arnþór Jónsson
Oddur Arnþór Jónsson opnaði Reykholtshátíð með hrífandi einsöngstónleikum sem risu hvað hæst í túlkun þeirra Önnu Guðnýjar Guðmundsdóttur á ljóðaflokknum ​Schwanengesang​ eftir Schubert. Oddur fór líka með hlutverk í báðum uppfærslum Íslensku óperunnar á árinu og uppskar lof fyrir.


SÖNGKONA ÁRSINS

Dísella Lárusdóttir
Dísella Lárusdóttir vakti sérstaka athygli á árinu fyrir afburða frammistöðu á sviði Metropolitanóperunnar í New York þar sem hún fór með hlutverk Tye drottningar í óperunni Akhnaten​ eftir Philip Glass. Óperan var sýnd í beinni útsendingu víða um heim, meðal annars á Íslandi.

Guja Sandholt
Guja Sandholt tókst á við fjölbreytt verkefni hér heima og erlendis á liðnu ári og sýndi eftirtektarverða dramatíska breidd. Á Óperudögum tók hún m.a. þátt í flutningi verka Davids Lang, ​The Little Match Girl Passion​ og ​Death Speaks​, og hún vann listrænan sigur með flutningi sínum á öróperunni ​King Harald’s Saga​ eftir Judith Weir á Reykholtshátíð.

Herdís Anna Jónasdóttir
Herdís Anna hefur verið búsett í Þýskalandi um alllangt skeið og því er fagnaðarefni að heyra hana takast á við verkefni hérlendis. Hún fór með m.a. með einsöngshlutverk í ​Messíasi Händels í Hallgrímskirkju og hlaut lof fyrir túlkun sína á Violettu í ​La Traviata​ í Íslensku óperunni.


TÓNLISTARVIÐBURÐUR ÁRSINS – HÁTÍÐIR

Kirkjulistahátíð í Hallgrímskirkju

Hátíðin einkenndist af breidd í verkefnavali þar sem nýrri tónlist og eldri var fléttað saman með góðum árangri. Upphafs- og lokatónleikar mynduðu sterkan ramma um hátíðina en auk þeirra voru tónleikar Georgiu Brown og barokksveitar Hallgrímskirkju einkar vel heppnaðir.

Myrkir músíkdagar
Nýju lífi hefur verið blásið í Myrka músíkdaga og var hátíðin sérlega glæsileg þetta árið. Hún sýndi vel fjölbreytni nýsköpunar í íslenskri tónlist og speglaði hana vel með erlendum verkum og flytjendum.

Reykjavík Midsummer Music
Aðalsmerki Reykjavík Midsummer Music er fjölbreytt og hugvitssamleg dagskrá í höndum úrvalsflytjenda. Meðal hápunkta í ár var flutningur píanóleikaranna Katia og Marielle Labèque á verkum eftir Ravel, Pärt og Glass.

ÖNNUR TÓNLIST : OPINN FLOKKUR – ÞJÓÐLAGA OG HEIMSTÓNLIST – LEIKHÚS OG KVIKMYNDATÓNLIST

PLATA ÁRSINS – ÞJÓÐLAGA OG HEIMSTÓNLIST

Ásta – Sykurbað
Fyrsta breiðskífa Ástu inniheldur 15 frumsamin lög sem hún samdi einn nepjulegan vetur á Flateyri. Einlæg túlkun Ástu, tilfinningaríkur söngur og lunknar textasmíðar einkenna plötuna. Tónlist Ástu er full nándar sem umlykur mann og efniviðurinn, sem og flutningur hans, fer beint inn að hjartanu.

Góss – Góssentíð
Fyrsta plata Góss inniheldur íslenskar dægurperlur sem eru í sérstöku uppáhaldi meðlima. Þeim eru svo gerð framúrskarandi góð skil, enda einvalalið í hópnum. Efnið var tekið upp beint í Lágafellskirkju sem ljær plötunni einstaklega hlýja áferð og söngur þeirra Sigríðar Thorlacius og Sigurðar Guðmundssonar er engu lagi líkur.

Lára Rúnarsdóttir – Rótin
Rótin er sjötta plata Láru og er mikil uppgjörsplata. Fegurð og heiðarleiki Láru skín í gegnum lögin þar sem flæðið er látlaust, þægilegt og umfaðmandi. Textarnir þá einstaklega fallegir og Rótin stendur skýlaust uppi sem einlægasta verk sem Lára hefur látið frá sér.

Ragnheiður Gröndal – Töfrabörn
Plata Ragnheiðar Gröndal hefur rætur að rekja til þjóðlaga- og heimstónlistar en sækir einnig stíla og strauma úr öðrum áttum. Melankólía, epík og einslags ævintýramennska einkennir plötuna ásamt ástríðufullum söng Ragnheiðar sem er smekklega í forgrunni.

Umbra – ​LLIBRE VERMELL – Maríusöngvar frá miðöldum
Llibre Vermell er þriðja platan sem að Umbra sendir fá sér. Dularfullur og seiðandi hljóðheimur íslensks og miðevrópsks tónlistararfs miðalda rennur glæsilega um og snertir við hlustandanum. Platan er vel útsett og vönduð, enda hafa Umbra verið á feikimiklu flugi undanfarin ár.

ÚTGÁFA ÁRSINS – LEIKHÚS OG KVIKMYNDATÓNLIST

Arnar Guðjónsson – France Terres Sauvages: La Forêt
Í skóglendi Frakklands leikur tónlist Arnars fjölbreytt hlutverk og ýtir undir undrin og sjónarspilið sem ber fyrir augu. Arnar er næmur á tilfinningalega undirstrikun og tónlistin er dýnamísk og áhrifamikil.

Hildur Guðnadóttir – Chernobyl
Meðferð Hildar á hljóðheimi þáttanna er djörf og brýst út fyrir hefðbundið hlutverk tónlistar í kvikmyndagerð. Mörkin milli hljóðvinnslu og tónlistar verða óræð en alltaf skín vel í gegn persónulegur stíll tónskáldsins.

Hildur Guðnadóttir – Joker
Tónlist Hildar leikur veigamikið hlutverk í kvikmyndinni og er sem framlenging á aðalpersónu hennar. Samspil tónlistar og leiks er óvenjulega náið sem eykur á heildaráhrif sögunnar. Framvinda og uppbygging tónlistarinnar er skýr og ýtir undir þau dramatísku hvörf sem eiga sér stað á skjánum.

Herdís Stefánsdóttir – The Sun is Also a Star
Fágun og nánd einkenna tónlist Herdísar í hennar fyrsta kvikmyndaverkefni í Hollywood. Fjölhæfni tónskáldsins nýtur sín vel og tónlistin fer ótroðnar slóðir án þess að víkja frá líflegum og hjartnæmum kjarna.

Tryggvi M. Baldvinsson og Einar Sv. Tryggvason – Flateyjargátan
Ljóðræn og spennuþrungin tónlist Tryggva og Einars styrkir persónusköpun og framvindu þáttanna. Höfundar flétta vel saman áhrifum frá ólíkum áttum og skeyta saman nýjum straumum kvikmyndatónlistar við sígildan blæ.


PLATA ÁRSINS – OPINN FLOKKUR

Hlökk – Hulduljóð
Þessi tilkomumikla plata Hlakkar dansar á mörkum nútíma- og þjóðlagatónlistar. Verkin eru stundum afstrakt, stundum yfirþyrmandi, aldrei ódýr. Sterk plata frá tónlistarhóp sem án efa á eftir að kveða meira að í framtíðinni.

Kristín Anna – I must be the devil
Hér er á ferðinni verk eftir einstakan listamann sem á sér engan líka í íslenskri samtímatónlist. Lögin eru leidd áfram af píanói og söngrödd Kristínar, sem er eins og úr annarri vídd. Lögin innihalda öll sem eitt eitthvert „x“ sem verður trauðla lýst með orðum. Hreinasti galdur.

Kristofer Rodrígues Svönuson – Primo
Höfundur er hér innblásinn af hinu heimalandinu sínu, Kólumbíu, og fær hrynhiti rómönsku Ameríku að leiða lögin áfram, sem eru jafnframt hugleiðingar Kristófers um fjölskyldu sína. Framfærslan öll er einstaklega sjarmerandi, líkt og listamaðurinn sjálfur.

Marína Ósk – Athvarf
Söngkona sem kom á óvart á árinu, snaraði út jólaplötu í samstarfi við aðra konu en gaf einnig út þessa plötu hér, sem er sóló. Engilblíð, sterk og túlkandi söngröddin dansar yfir þjóðlagaskotnum smíðum og það er ekki annað hægt en að leggja eyrun fast að.

Ólafur Björn Ólafsson og Jo Berger Myhre – Lanzarote
Vönduð nútímatónlist, sem dregur inn áhrif frá djassi og tilraunatónlist en er um leið algerlega einstök. Ólafur Björn sýnir hér rækilega hversu djúpt er á tónlistinni hjá honum, lögin hér eru falleg og einkennast af næmni bæði og stillu.


LAG ÁRSINS/TÓNVERK ÁRSINS Í OPNUM FLOKKI, ÞJÓÐLAGA OG HEIMSTÓNLIST, LEIKHÚS OG KVIKMYNDATÓNLIST

Altari – Lára Rúnars
Í þessu lagi opnar Lára hjarta sitt og syngur af einlægni og afslöppun. Lagið er fallegt og flutningurinn heiðarlegur og næmur.

Konan og selshamurinn – Hróðmar I. Sigurbjörnsson og Ragnheiður Erla Björnsdóttir
Gömul saga er færð í nýjan búning og fær um leið endurnýjun lífdaga. Hér sameinast tónlistar- og sagnaarfurinn í nýjum búningi og hrífur hlustendur með sér.

Rigning – Marína Ósk
Lag og texti vinna fullkomlega saman í þessu lagi og tær og falleg rödd Marínu Óskar býr til hljóðheim sem er einlægur en um leið kraftmikill.

Skriftagangur – Teitur Magnússon
Í Skriftagangi blandar Teitur Magnússon saman Þursaskotinni þjóðlagahefð og afslöppuðu nútíma poppi og gerir það á hárfínan og nákvæman hátt.

Sykurbað – Ásta
Einlægni Ástu, vangaveltur hennar og hugleiðingar koma stökkvandi fram í lagi hvar rækjur og marhnútar, fegurð, hlátur, þreyta og grátur umvefja allt og alla sem á hlýða.

 

PLÖTUUMSLAG ÁRSINS – ÞVERT Á FLOKKA

Cell7 – Is Anybody Listening?
Eysteinn Þórðarson sá um hönnun umslags
Hér svífa áhrif anime-mynda yfir vötnum og Ragna vel komin að búningi sem gæti klætt Mononoke prinsessu. Áhrif þessara kvikmynda eru brotin upp á nýstárlegan hátt með óhefðbundinni litasamsetningu og draumkenndri grafík.

Countess Malaise – HYSTERÍA
Dýrfinna Benita og Steinarr Ingólfsson – Hönnun og uppsettning
Ögrandi framsetning kvenlíkamans á umslagi Countess Malaise er svo sannarlega eftirtektarverð og minnir á að þótt það sé búið að strípa fólk því sem að jafnaði telst kynferðislegt að þá verður orkan sem kemur innanfrá aldrei hamin.

Dj. Flugvél og geimskip – Our Atlantis
Steinunn Harðardóttir – Málaði málverkið
Fallegar skapaður heimur Steinunnar Harðardóttur, Dj. Flugvél og geimskip, birtist í stórkostlegu plötuumslagi sem minnir einna helst á síkadelíu- og barnaplötur áttunda áratugarins. Albúmið er allt handverk Steinunnar, allt frá framhlið plötunnar yfir til lagalista.

Grísalappalísa – Týnda rásin
Sigurður Möller Sívertsen, Skýlið Studio, Baldur Baldursson og Rúnar Örn Jóhönnu Marinósson – Hönnun og uppsetning / Sigurður Möller Sívertsen – Ljósmyndir á umslagi / Baldur Baldursson, Sigurður Möller Sívertsen, Heimir Gestur Valdimarsson og Gunnar Ragnarsson Ljósmyndir í textabók / Rúnar Örn Jóhönnu Marinósson – Teikning / Brynja Hjálmsdóttir – Vélritun
Portrettljósmynd af ungum manni sem starir tómlega framfyrir sig endurspeglar einkar vel þema plötunnar Týnda rásin með Grísalappalísu. Á plötunni er tekist á við togstreitu fullorðinsáranna, ábyrgð og lífshamingju, þema sem flest ættu að kannast við.

​Kristín Anna – I must be the Devil
Ragnar Helgi Ólafsson – Hönnun og uppsettning
Ari Magg – Ljósmynd
Umslag plötunnar I must be the Devil er fallega uppstillt en jafnframt ögrandi mynd af Kristínu Önnu í hópi nakinna karla. Umslagið felur í sér fjölmargar vísanir í rokksöguna en stendur engu að síður sjálft sem innsetning eða gjörningalistaverk.


UPPTÖKUSTJÓRN ÁRSINS – ÞVERT Á FLOKKA

Grísalappalísa – Týnda Rásin
Albert Finnbogason, Tumi Árnason og Finnur Hákonarson – Upptökustjórn og gerð hljóðmyndar
Pönk, popp, tilfinningar og hljómsveit á krossgötum. Hljóðheimurinn er einstakur bræðingur sem ögrar hlustandanum, lemur á skynfærunum og lyftir tónlistinni á hærra stig.

Hildur Guðnadóttir – Chernobyl
Hildur Guðnadóttir og Sam Slater – Upptökustjórn og gerð hljóðmyndar
Útfærsla hljóðmyndarinnar fyrir þessa mögnuðu þætti er afrek, enda hverju hljóði smalað úr gömlu kjarnorkuverki í Litháen. Sá hljóðbanki var svo verkaður inn í tónspor sem á fáa sína líka í tónlistarsögunni, hvar tónlist og hljóðlist mynda órofa vef sem styður fullkomlega við framvinduna á skjánum.

hist og – Days of Tundra
Albert Finnbogason – Upptökustjórn, upptökur og hljóðblöndun Paul Corley – Hljómjöfnun
Einstakur og frumlegur hljóðheimur þar sem rafhljóð og hljóðfæri mætast á jafnréttisgrundvelli. Ferskt, tilraunakennt en á sama tíma ákaflega áheyrilegt verk sem hirðir ekki um hefðbundin landamæri. Flutningi Hist og eru hér gerð frábær skil.

Sinfóníuhljómsveit Íslands – Concurrence
Daniel Shores – Upptökustjórn og gerð hljóðmyndar
Upptökustjórnin á plötunni Concurrence er nýstárleg og vel úthugsuð. Hvert verk plötunnar fær sérsniðna meðferð í uppstillingu hljómsveitarinnar og einleikara sem ýtir undir ánægju hlustunarinnar og gefur gleggri sýn í inntök verkanna.

Vök – In the Dark
James Earp, Margrét Rán Magnúsdóttir og Einar Hrafn Stefánsson – Upptökustjórn og gerð hljóðmyndar
Hljóðheimur Vök var áður fyrr stálkaldur og stíliseraður, dumbungslegur og kæruleysislega kúl en á In the Dark, sem ætti eiginlega að heita In the Light, eru örugg skref tekin í átt að bjartari heimi hvar melódíum sveitarinnar er lyft upp í fágaða umgjörð án þess þó að listrænum heilindum sé nokkru sinni fórnað.


ROKK, POPP, RAF, RAPP OG HIP HOP

PLATA ÁRSINS – POPP

Between Mountains – Between Mountains
Frumraun þessarar vestfirsku hljómsveitar sem sigraði Músíktilraunir árið 2017 býður upp á vandaðar lagasmíðar og útsetningar. Between Mountains​ ​er hljómsveit Kötlu Vigdísar Vernharðsdóttur og hún sýnir með þessari plötu að hún er komin til að vera.

Hipsumhaps – Best gleymdu leyndarmálin
Best gleymdu leyndarmálin​ er dásamlegur bræðingur sem gengur upp í poppi, rokki og mögulega svífur einhver hipp hopp andi yfir vötnum líka. Lögin eru fjölbreytt, vel samin með frábærum textum sem eru fersk og kunnugleg á sama tíma.

K. óla – Allt verður alltílæ
Allt verður alltílæ​ er ein af áhugaverðustu plötum ársins, sýruskotin popptónlist með indie-ívafi, leikin og sungin af stakri snilld. Þótt lögin séu í grunninn poppuð er þau mjög óvenjuleg, textarnir eru áleitnir og áræðnir á meðan þekktum stefjum og hljómagangi er raðað saman á frumlegan hátt.

Sin Fang – Sad Party
Sindri Már Sigfússon er allt í öllu á plötunni ​Sad Party​. Hann blandar raftónlist og rokktónlist sérlega vel saman og úr verður aðgengilegur popprokkbræðingur. Sindri kann svo sannarlega sitt fag og þessi plata skartar fjörugum og hlýjum hljóðheimi.

Vök – In the Dark
Með annari plötu sinni sýnir Vök að hún er ein fremsta hljómsveit landsins um þessar mundir. Platan er uppfull af grípandi laglínum og ferskri poppmúsík í heimsklassa.​ In the Dark​ er vel samsett, vönduð og hressileg poppplata.

PLATA ÁRSINS – ROKK

Bubbi Morthens – Regnbogans stræti
Bubbi er sjálfum sér líkur á þessari fínu plötu. Hann rokkar og rífur kjaft á ​Regnbogans stræti​ en hann er líka ljúfur og ástfanginn. Hann syngur um óréttlæti heimsins og um að ástin sé allt sem þarf. Bubbi er eins og venjulega, hann vakir yfir og allt um kring.

Grísalappalísa – Týnda rásin.
Grísalappalísa hafa gefið það út að ​Týnda rásin​ sé svanasöngur sveitarinnar. Þarna kristallast allt sem hefur einkennt sveitina. Kaotískt pönk og lagasmíðar með frábærum textum sem bera þess merki að Grísalappalísa eru orðnir reyndir menn og allt gengur upp.

Of Monsters and Men – Fever Dream
Fever Dream​ er þriðja breiðskífa OMAM. Hún er rökrétt framhald af síðustu plötu, ​Beneath the Skin​ sem kom út 2015. Sveitin er ófeimin við að gera tilraunir og dregur hlustandann inn í skemmtilegt og hljómfagurt ferðalag sem ferðast úr grófu rokki yfir í áhugaverðar raftónlistaræfingar.

Singapore Sling – Killer Classics
Hljómsveitin Singapore Sling er löngu orðin íslensk rokkklassík. Platan þeirra ​Killer Classics geymir sumar af þeirra sterkustu lagasmíðum og gamli töffaraskapurinn alltumlykjandi. Samruni sargandi rokkgítara og hljóðgerfla mynda þéttan heildarhljóm sem gefur sig hvergi.

Une Misere -​ ​Sermon
Sermon​ er plata sem að lengi hefur verið beðið eftir. Gríðarlega sjálfsöruggur flutningur. Lögin ríghalda og boðskapurinn er skýr. ​Sermon​ hefur nú þegar náð út fyrir rokk í þyngri kantinum, fólk einfaldlega hrífst með. Ekki bara hér heima heldur út um allan heim.

PLATA ÁRSINS – RAPP OG HIP HOP

Cell7 – Is anybody listening?
Fáir íslenskir rapparar komast með tærnar þar sem Ragna Kjartansdóttir, eða Cell7, hefur hælana. Plata hennar​ Is anybody listening​ er fjölbreytt og orkumikil, lagasmíðarnar framúrskarandi og túlkun Cell7 á efninu óaðfinnanleg.

Countess Malaise – HYSTERÍA
Frumburður rapparans Countess Malaise ​HYSTERÍA e​ r ögrandi verk, full af skírskotunum til feminisma, neysluhyggju og dægurmenningar. Þetta er áleitin plata sem dregur skilur engan eftir ósnortinn.

Joey Christ – Joey 2
Önnur plata Joey Christ einkennist af flottum töktum, líflegu rappi og sérlega vandaðri upptökustjórn. Sem fyrr er veröld Joey full af skemmtilegum uppákomum, vinum sem koma í heimsókn og leikgleði sem fáir leika eftir.

PLATA ÁRSINS – RAFTÓNLIST

Bjarki – Happy Earthday
Bjarki Rúnar Sigurðarson hefur starfað við gerð raftónlistar um árabil. ​Happy Earthday​ er heilsteypt og vandað verk, og ber kunnáttusemi hans gott vitni. Bjarki fer með okkur í ferðalag um raftónlistarheiminn, þar sem hinum ýmsu stefnum er att saman.

Dj. Flugvél og geimskip – Our Atlantis
Tilraunakennd og glaðvær tónlist Steinunnar Harðardóttur hefur skipað sér öruggan sess í íslensku tónlistarlífi. Á fjórðu plötu Dj. Flugvél og geimskip er hlustendum boðið til Atlantis þar sem ævintýraveröld Steinunnar opnast öllum sem það vilja.

Janus Rasmussen – Vín
Janus Rasmussen hefur fyrir löngu skapað sér nafn innan raftónlistarsenunnar, þá einkum með hljómsveitunum Bloodgroup og Kiasmos. ​Vín​ er einstakalega vönduð raftónlistarplata þar sem Janus teflir fram stórum reynslubanka og skapar fágaðan og tæran hljóðheim.

Sunna Margrét – Art of History
Fyrsta plata Sunnu Margrétar einkennist af tilraunakenndum töktum og slagverki, draumkenndri rödd Sunnu og áhugaverðum hljóðheimi. Sunna notar rödd sína á fjölbreyttan og áhugaverðan hátt og er niðurstaðan gríðarlega flott plata.

Sykur – JÁTAKK
Hljómsveitin Sykur hefur fyrir löngu skipað sér sess í íslensku tónlistarlífi með kraftmikilli sviðsframkomu. Tónlistin þeirra er líflegt tekknóskotið danspopp og á ​JÁTAKK​ má finna allt frá fallegum ballöðum yfir í alvöru klúbbaslagara.

SÖNGKONA ÁRSINS – VERÐLAUN ÞVERT Á FLOKKA

Agnes Björt Andradóttir
Agnes, söngkona Sykur er þekkt fyrir sína kraftmiklu og sterku rödd. Hún hefur löngum heillað íslenska tónleikagesti með sviðsframkomu sinni og krafti. Agnes er einstök og mikilvæg rödd í flóru íslenskra söngkvenna, sem verður bara betri og betri með hverju ári sem líður.

Ásta Kristín Pjetursdóttir
Ein af áhugaverðustu plötum ársins er plata Ástu, ​Sykurbað,​ þar sem hún flytur nýstárlega þjóðlagatónlist. Söngrödd Ástu er algerlega einstök, Ásta leikur sér að laglínum og teygir röddina eins og röddin sé þeramín en það er ógleymanleg reynsla að sjá hana á tónleikum.

Katla Vigdís Vernharðsdóttir
Between Mountains hefur svo sannarlega slegið í gegn á undanförnum misserum og er það ekki síst fallegri söngrödd Kötlu Vigdísar Vernharðsdóttur að þakka. Fallegur og ómþýður söngur skreytir lög sveitarinnar á ógleymanlegan hátt.

Margrét Rán Magnúsdóttir
Margrét vakti fyrst athygli þegar hún bar sigur úr býtum í Músíktilraunum árið 2013. Síðan þá hefur hún heillað sífellt fleiri með öruggri sviðsframkomu með hljómsveit sinni Vök. Söngrödd Margrétar, sviðsframkoma og flutningur gerir hana eina af fremstu söngkonum í sinni röð.

Sigríður Thorlacius
Sigríður Thorlacius hefur um árabil verið ein fremsta söngkona landsins. Hún átti stórleik í tveimur lögum hljómsveitar sinnar Hjaltalín á árinu en plata frá þeim er væntanleg innan tíðar. Að auki er Sigríður hluti af tríóinu Góss en þau voru einnig með prýðisplötu á árinu 2019.

SÖNGVARI ÁRSINS – VERÐLAUN ÞVERT Á FLOKKA

Arnar Guðjónsson
Arnar Guðjónsson gerði garðinn frægan með hljómsveitinni Leaves fyrir þó nokkrum árum og á að baki farsælan feril sem tónlistarmaður. Hrífandi söngrödd hans er virkilega grípandi og góð. Arnar getur sungið eins og rokkari eða þýðum rómi eins og hann gerir með Warmland.

Auður
Auðunn Lúthersson hefur sýnt það og sannað að hann er einn sterkasti söngvari í íslensku tónlistarlífi í dag. Hann hefur einstaka sviðsframkomu, geislar af öryggi og nýtir röddina til þess að ná fram mjög persónulegri nálgun í söng sínum.

Högni Egilsson
Högni Egilsson er einstakur söngvari og hefur lag á að nýta rödd sína til hins fyllsta, hvort sem það er í raftónlist, poppi eða öðrum tónlistarstíl. Hann er ávallt samkvæmur sjálfum sér í söng, er með einstaka rödd og frábært vald á henni.

Júníus Meyvant
Eyjapeyinn Júníus er náttúrutalent í söng, röddin er í senn seiðandi og þægileg og fyllir hlustanda vellíðan við að það eitt að hlusta á hana. Hvort sem er um angurværar ballöður eða fjörug popplög að ræða þá er ekki hægt annað en að hrífast með hrjúfum og sálarfullum flutningi.

Klemens Hannigan
Klemens Hannigan skipar annan helming söngpars Hatara en með sinni viðkvæmu, ómþýðu og fallegu rödd veitir hann ákveðið jafnvægi á móti hinum helmingnum, Matthíasi Haraldssyni. Einstök og eftirminnileg rödd sem einkennist af birtu og kærleika.

LAG ÁRSINS – ROKK

Grísalappalísa – Þrjúhundruðsextíuogfimmdagablús (sjáðu hjónin)
Sprenghlægileg útlistun á hversdagsleika fullorðinsáranna í formi gamaldags rokklags. Á bakvið glensið er lagið einnig saga af þunglyndi, erfiðleika við að lifa af, fjárhagsáhyggjum og öllu því sem alvara lífsins hefur upp á að bjóða. Útsetning og flutningur til fyrirmyndar.

Hatari – Hatrið mun sigra
Hatrið mun sigra​ stimplaði sig inn í íslenska menningarsögu svo um munaði á síðasta ári. Heimili landans, börnin og allt fólkið sem horfir á Eurovision þekkja nú Hatara. Lagið samtvinnar alla þá ólíku þætti sem koma saman í höfundaverki Hatara; pólitísk skilaboð, kraftmikið iðnaðarteknó í vel unnum og stórgóðum poppbræðingi.

Hipsumhaps – Fyrsta ástin>
Hver man ekki eftir fyrstu ástinni? Þeir Hipsumhaps piltar ná að fanga þá tilfinningu í laginu á skemmtilegan grípandi hátt en það fjallar um það að upplifa fyrstu ástina með öllu sem henni fylgir; spennuni, eftirvæntingunni, hamingjunni og í lokin, ástarsorginni í fyrsta sinn.

Of Monsters and Men – Alligator
Alligator ​er kraftmikið og gítardrifið lag sem opnar ​Fever Dream,​ þriðju og nýjustu plötu Of Monsters and Men sem kom út á árinu sem leið. Lagið er eins og áður sagði stórt og mikið og hentar einstaklega vel til flutnings í kraftmiklum græjum, í bílnum og auðvitað á tónleikum.

Une Misere – Sermon
Sermon​ er tillagið á fyrstu plötu Une Misére og leggur línunar fyrir ímynd og boðskap sveitarinnar. Það er verið að leggja á borð, boðskapurinn er boðaður og það eru engir fangar teknir en samt öllum boðið að vera með. Engir stælar hér á ferð, sem að gerir þetta svo töff.

LAG ÁRSINS – POPP

Auður – Enginn eins og þú
Enginn eins og þú​ kom eins og stormsveipur inn á íslenskar útvarpsstöðvar á síðasta ári enda ekki furða því þarna er á ferðinni einstaklega skemmtilegt og vel samið lag frá Auðunni Lútherssyni. Grípandi laglína og texti sem auðvelt er að tengjast og syngja með.

Ásgeir – Upp úr moldinni
Upp úr moldinni ​er að finna á þriðju plötu Ásgeirs sem kom út fyrir skemmstu og heitir ​Sátt.​ Lagið er ádeila á neyslumenningu og einkennist af einstökum söng Ásgeirs og vandaðri útsetningu.

Hipsumhaps – Lífið sem mig langar í
Það er ekki að ástæðulausu að þetta lag varð vinsælt á ótal útvarpsstöðvum, þvert á allar tónlistarstefnur. Gríðarlega vel saminn poppsmellur með frábærum og einlægum texta. Hvað dreymir unga fólkið um þegar allt á að vera gaman alltaf?

Hjaltalín – Baronesse
Baronesse​ er enn ein perlan frá hinni frábæru hljómsveit, Hjaltalín. Lagið er forsmekkur að plötu sem Hjaltalín ætlaði að senda frá sér í fyrra en kemur vonandi út á þessu ári. Engilfríð rödd og flekklaus flutningur Sigríðar Thorlacius fær hlustandann til að bíða með öndina í hálsinum.

Vök – In the Dark
In the Dark​ er opnunar- og titillag annarar plötu sveitarinnar. Í laginu er fjallað um myrkfælni og ótta, og fáránleika þess að óttast eigin hugsanir. Lagið er grípandi og skemmtilegt, dansvænt og gott til að hlusta á heima. Eitt af vinsælustu lögum ársins.


LAG ÁRSINS – RAPP OG HIP HOP

Cell7 – Peachy
Lagið Peachy er hressandi rapplag þar sem Cell7 sýnir einstaka kunnáttu sína sem meistari seremóníunnar. Lagið grípur hlustandann um leið og það býr yfir skemmtilega grúví og dansvænum hljóðheimi sem lætur lætur engan ósnortinn.

Flóni – Falskar ástir
Hér er á ferðinni óvenju fallegt popplag þar sem autotune-tæknin er nýtt á skemmtilegan hátt til þess að draga fram sálaangist ljóðmælanda. Vel samið lag hjá upprennandi tónlistarmanni sem á eftir að heyrast mikið í.

Joey Christ – 100p
Hér er kominn einn af rappsmellum ársins, Joey Christ ásamt Flóna, fjalla hér um lífið og vináttuna og hljóðsmala listilega smellinn ​Can’t get you out of my head​ með Kylie Minogue. Án nokkurs vafa eitt af rapplögum ársins.

LAG ÁRSINS – RAFTÓNLIST

Kraftgalli – Rússíbani
Rússíbani​ er skemmtilegt lag í anda hljóðtilrauna raftónlistarmanna á sjötta og sjöunda áratugar síðustu aldar, en gætt takti og leikgleði nútímans. Lagið er bæði tilraunakennt og hefðbundið í senn, sérstakur hljóðheimur í blandi við danstakt gerir ​Rússíbana​ eitt af skemmtilegustu lögum ársins.

Sunna Margrét – Art of History
Titillag fyrstu sólóplötu Sunnu Margrétar er líklega það aðgengilegasta af plötunni. Það inniheldur áhugaverðan en fallegan og fágaðan hljóðheim, minimalískan og ögn tilviljanakenndan takt undir og nánast dáleiðandi og angurværan söng Sunnu Margrétar yfir.

Sykur – Svefneyjar
Svefneyjar​ er grípandi danssmellur sem engan svíkur. Lagið er fullkomið hvort sem er fyrir útvarpið, bíltúrinn eða dansgólfið. Einstaklega fallegur og melódískur flutningur Agnesar Bjartar Andradóttur gefur laginu nákvæmlega fjörið sem þarf til að trylla dansgólfið.

LAGAHÖFUNDUR ÁRSINS – VEITT ÞVERT Á FLOKKA

Agnes Björt Andradóttir, Halldór Eldjárn, Kristján Eldjárn, Stefán Finnbogason (Sykur)
Hljómsveitin Sykur á í fórum sínum fjölmarga frábæra smelli en líklega stendur lagið ​Svefneyjar upp úr á síðasta ári. Þeim tekst að etja saman hljóðheimi teknótónlistar og grípandi laglínum poppsins með afbragðs árangri.

Arnar Guðjónsson og Hrafn Thoroddsen (Warmland)
Það verður ekki annað sagt en hér séu á ferð miklir reynsluboltar en Arnar var í Sororicide og Leaves á meðan Hrafn gerði garðinn frægan með Jet Black Joe og Ensími. Það þarf því engan að undra að þeir hafi einstakt nef fyrir flottri melódíu og þekkingu til að útfæra lögin á afar smekklegan máta.

Fannar Ingi Friðþjófsson, Jökull Breki Arnarson og Magnús Jóhann Ragnarsson (Hipsumhaps)
Það verður seint vanmetið að geta samið dægurlög sem einhvernveginn grípa alla. Það geta lagahöfundar Hipsumhaps. Hér eru á ferðinni vel samin popplög þar sem einlægni er lykilorðið. Grípandi viðlög og yrkisefni sem að svo margir geta tengt við.

Hatari
Tónlist Hatara er grípandi og kraftmikil og ber þess merki að vera vandlega unnin. Andstæðurnar í söngvurunum tveimur, Matthíasi og Klemens, eru iðulega í forgrunni lagasmíðanna, sem eru þannig útfærðar að báðir megi njóta sín.

Margrét Rán Magnúsdóttir (Vök)
Margrét Rán var aðeins 13 ára gömul þegar hún flutti fyrst eigin lög í sjónvarpsþætti Jóns Ólafssonar á RÚV ásamt félaga sínum í hljómsveitinni Wipeout. Margrét er löngu búin að sanna með hljómsveitinni Vök að hún er einn helsti popplagasmiður landsins og semur einstaklega grípandi lög, og það á heimsmælikvarða.

TEXTAHÖFUNDUR ÁRSINS – VEITT ÞVERT Á FLOKKA

Bubbi Morthens
Það á ekki að koma neinum á óvart að Bubbi skuli vera tilnefndur til Íslensku tónlistarverðlaunanna fyrir textasmíðar. Á sinni nýjustu plötu sýnir hann okkur enn og aftur hvers vegna hann er kallaður kóngurinn, með textum við lög eins og ​Velkomin,​ ​Án þín​, ​Ást er allt sem þarf​ og titillagið ​Regnbogans stræti.​

Fannar Ingi Friðþjófsson (Hipsumhaps)
Ofureinlægni kemur upp í hugann þegar textar Fannars eru skoðaðir. Það er ekki síst það sem er svo hressandi við Hipsumhaps í samfélagi sem gengur svo mikið útá glansmyndir á samfélagsmiðlum og að alltaf eigi að vera gaman.

Gunnar Ragnarsson og Baldur Baldursson (Grísalappalísa)
Báðir eru þeir ótrúlega frumlegir textasmiðir og eiga það sameiginlegt að daðra við súrrealisma í sínum skrifum. Lögin eru oft á tíðum léttleikandi popplög með brjáluðum textum og þar liggur snilld Grísalappalísu. Skemmtilega skrýtnir íslenskir textar um lífið og tilveruna, það er hressandi.

Hatari
Textar Hatara eru hárbeitt ádeila á neysluhyggju nútímasamfélags. Hljómsveitarmeðlimir hafa gott vald á íslenskri tungu og ná í textum sínum að sameina skáldskap og pólitík. Þetta í bland við tónlist þeirra gefur sterka lýríska heild.

Margrét Rán Magnúsdóttir (Vök)
Margrét Rán gerir eins og svo margir aðrir góðir textahöfundar, hún semur um lífið eins og það kemur henni fyrir sjónir, um sína upplifun á tilverunni og hjúpar það síðan dulúð og poppmelódíum. Ástin og lífið á 21. öldinni.

TÓNLISTARFLYTJANDI ÁRSINS

Auður
Auður er sér kapituli fyrir sig þegar kemur að lifandi flutningi. Þar er allt lagt undir og Auðunn einn sterkasti flytjandi poppsins í dag. Auðunn heldur athygli áhorfandans frá fyrstu nótu til hinnar síðustu og tenging hans við áhorfendur er ótrúlega sterk.

Hatari
Hatari er algerlega sér á báti þegar kemur að lifandi flutningi. Þar er leikið með ýmis þemu, allt frá þýskum expressjónisma í kvikmyndum yfir í BDSM. Hatari hafa gífurlegan kraft og leikgleði að vopni og ekki síst eru bæði sjálfsöryggi og fagmennska í fyrirrúmi.

Sykur
Sykur hafa lengi verið þekkt fyrir sérlega frábæran flutning og mikla orku sem leysist úr læðingi við tónleika sveitarinnar. Það hefur ekkert breyst og hverjir einustu tónleikar með Sykur eru einstök upplifun. Allt er lagt undir í bæði sviðsbúninga og kraftmikinn flutning og framkomu, Agnes er það fremst meðal jafningja.

Une Misere
Það sést langar leiðir að Une Misére eru gengi og þar er hugsað um hlutina, hvernig á að koma fram og boða fögnuðinn. Vel spilandi, gríðarlega þétt sveit sem geislar af sjálfsöryggi þannig að áhorfendur hrífast með.

Vök
Vök hefur um langt skeið verið að stimpla sig inn sem bestu flytjendur lifandi tónlistar á Íslandi í dag. Sveitin er gríðarlega þétt, hefur kraftmikla sviðsframkomu og nærveru. Margrét er þar auðvitað sérstaklega sterk framlínunni en hún rígheldur athygli áhorfandans með ótrúlegum söng og hljóðfæraleik, og orku sem nær öllum á hennar band. Flutningur hljómsveitarinnar er ávallt pottþéttur og þau skila sínu frá sér á afar fagmannlegan hátt.

TÓNLISTARVIÐBURÐIR ÁRSINS

Auður – “Afsakanir” – Útgáfutónleikar 29/03/2019
Útgáfutónleikar Auðuns í Gamla bíói voru nánast ólýsanlega góðir. Auður hélt áhorfendum sem dáleiddum alla tónleikana. Einlægnin, innlifunin og krafturinn var engu líkur. Flott sviðsmynd og frábært sánd, gríðarlega þétt band. Er hægt að biðja um meira?

Bræðslan
Bræðslan hefur fyrir löngu skipað sér það sess að vera ein vinsælasta sumarhátíð á Íslandi. Þar koma fram þekktustu listamenn þjóðarinnar og er staðsetningin ekki af verri endanum, Borgarfjörður Eystri, sem er samkvæmt öllum heimildum óviðjafnanlegur staður.

Hatari í Eurovision
Hatari var land og þjóð til sóma í Eurovision í Tel Aviv. Hárbeitt ádeila sveitarinnar skilaði sér í stórgóðum flutningi lagsins​ Hatrið mun sigra​ og vakti athygli um heim allan. Hatari í Eurovision eru tónleikar sem ekkert okkar mun gleyma á meðan við lifum.

Hjaltalín í Eldborg
Öllu var tjaldað til á tónleikum Hjaltalín í Eldborg í september. Heildarumgerð tónleikanna var mögnuð en hljómsveitin fékk til liðs við sig fagfólk á öllum sviðum, bæði í tónlistarflutningi, hljóðblöndun og ljósum og úr urðu einir bestu tónleikar sem Hjaltalín hefur nokkurn tíma haldið.

Iceland Airwaves
Iceland Airwaves var að venju haldin síðasta haust og tókst með miklum ágætum. Mikilvægi hátíðarinnar er ótvírætt enda koma hingað til lands fjöldinn allur af erlendum listamönnum á ári hverju auk urmuls erlendra gesta. Síðasta hátíð þótti heppnast einstaklega vel, ferskir vindar léku um hátíðina og var það ekki síst íslensku listafólki að þakka.

BJARTASTA VON RÁSAR 2

Gróa
Þessi þriggja kvenna pönksveit hefur verið að gera það gott síðan þær komu fyrst fram á Músíktilraunum árið 2017. Þær spila heiðarlegt pönk eða eins og Arnar Eggert sagði í dómi „​Gróa er alvöru pönkhljómsveit.” ​Gróa á að baki tvær breiðskífur, G​ RÓA​ og ​Í GLIMMERHEIMI og eru hluti af hinum gróskumikla jaðartónlistarhópi post-dreifingu. Seinni platan hljómsveitarinnar, ​Í Glimmerheimi,​ hlaut hin virtu Kraumsverðlaun í fyrra.

Hipsumhaps
Tvíeykið Hipsumhaps frá Álftanesi kom eins og þrumufleygur inn í íslenskt tónlistarlíf snemma í fyrra þegar þeir gáfu út sína fyrstu plötu ​Best Gleymdu Leyndarmálin.​ Platan, sem mætti flokka sem indípopprokk hefur fengið mikla spilun víða og hafa þeir hafa haldið nokkra tónleika sem hafa verið vel sóttir. Textarnir hafa fengið mikið lof þar sem þeir syngja um hversdagsleikann, ástina og lífið sem þá langar í.

Krassasig
Kristinn Arnar hefur verið að gera það gott síðan hann gaf út plötuna ​Mmmm​ með hljómsveitinni og fjöllistahópnum Munstur. Nú er hann sóló undir listamannsnafninu Krassasig og framleiðir einstaklega vandað popp, en lögin Brjóta Heilann og Hlýtt í Hjartanu náðu bæði miklu flugi á Rás 2 og streymisveitum. Krassasig var þar að auki valinn af Landsbankanum til að spila á Iceland Airwaves í fyrra.

K. Óla
Katrín Helga Ólafsdóttir eða K.óla gaf út sína fyrstu breiðskífu í fyrra, plötuna ​Allt Verður Alltílæ sem var valin á Kraumslistann 2019. Katrín hefur verið meðlimur í hljómsveitinni Milkhouse þar sem hún spilar á hljómborð og syngur. Hún er sömuleiðis hluti af listhópnum post dreifingu. Hún gerir metnaðarfulla rafpopptónlist með skondnum textum. K. Óla rataði á lista The Grapevine Music Awards 2020 í flokknum “You Should Have Heard This” og stefnir á að gefa út plötuna Plastpinsessan Vaknar​ á þessu ári.

Zöe
Zöe Ruth Erwin er einstaklega fær upptökustjóri og lagahöfundur. Hún vakti fyrst athygli fyrir lagið Let Me Fall sem hún samdi fyrir kvikmyndina Lof mér að falla eftir Baldvin Z. Þá hefur hún samið fyrir og tekið upp tónlist fyrir annað tónlistarfólk á borð við Elísabetu Ormslev. Undanfarið hefur Zöe einnig kennt námskeið í upptökutækni og hljóðblöndun en hún skapar áhugaverðan og myrkan hljóðheim með einskærri snilld og hefur vakið athygli fyrir lögin sín Summer Funeral og Aint Gonna Rain Anymore.

ALBUMM.IS OG ÍSLENSKU TÓNLISTARVERÐLAUNIN

Bjarki – ANa5
Leikstjóri: Daníel Heimisson & Baldvin Vernharðsson
Myndband
Frábært og frumlegt myndband. Það er mjög oft sem maður sér íslenska náttúru í myndböndum en það er mjög gaman að sjá hana á nýstárlegan hátt. Hér er farin ný leið og er útkoman þrælskemmtileg. Minnir á margan hátt á 90 ́s raftónlistarmyndbönd frá gullöld MTV Chillout!

Doctor Victor feat. SVALA – Running Back
Leikstjóri: Anna Maggý
Myndband
Töff myndband með smá áhrifum frá tíunda áratugnum. Flottar hraðar klippingar og nóg um að vera. Lag og myndband talar vel saman sem framkallar heilsteypta mynd.

Hatari – Hatrið mun sigra
Leikstjóri: Baldvin Vernharðsson & Klemens Hannigan
Myndband
Hrátt, kalt og svalt myndband sem sem smellpassar tónlistinni. Frábær innlifun og auðvitað tröllreið lagið landanum á síðasta ári með þátttöku sinni í Júróvisjón söngvakeppninni. Í stuttu máli: Svalt myndband sem fer í sögubækurnar!

Krummi – Stories To Tell
Leikstjóri: Frosti Jón Runólfsson
Myndband
Þetta myndband hentar Krumma og laginu hans fullkomlega. Krummi er kúreki og þetta er kúreka lag. Myndbandið fangar andrúmsloftið og þegar horft er á það langar manni að kaupa sér hatt og gítar. Virkilega vel gert og flottar pælingar sem ganga upp!

Of Monsters and Men – Wars
Leikstjóri: WeWereMonkeys
Myndband
Wars er alveg rosalegt myndband! Stórbrotnar teikningar og óheft hugmyndaflæðið. Maður er ávallt spenntur að sjá hvað gerist næst og situr límdur við skjáinn. Frábært!

Oscar Leone – “Superstar”

Leikstjóri: Einar Egils
Myndband
Einar Egils hefur virkilega gott auga og er snillingur í að finna réttu augnablikin og fanga fallega birtu. Í þessu myndbandi nær hann að sameina þetta tvennt ásamt því að gera Ísland ansi kúrekalegt. Virkilega vel gert myndband!

Vök – In the Dark
Leikstjóri: Elí
Myndband
Ágúst Elí gerir ávallt eftirminnileg tónlistarmyndbönd. Hér er á ferðinni mjög flott myndband og það er greinilegt að mikil vinna liggur að baki gerð þess. Sagan er skemmtileg og nær að koma á óvart. Áhorfandinn dettur inn í söguna, litina og andrúmsloftið sem myndbandið hefur að geyma. Húrra!

Warmland – Blue Place
Leikstjóri: Bernhard Kristinn & Warmland
Myndband
Það er ekki á hverjum degi sem maður sér borðtennis, keilu o.fl stundað úti í náttúrunni. Flott skotið, virkilega flott lýsing og góð hugmynd. Og auðvitað er tónlistin að auki frábær og allt blandast þetta vel saman.

Íslensku tónlistarverðlaunin verða veitt þann 11. mars í Hörpu. Hægt verður að fylgjast með hátíðinni í beinni útsendingu hjá RÚV.

Samstarfs- og styrktaraðilar Íslensku tónlistarverðlaunanna eru:
RÚV, Concept Events, Luxor, Harpa, Alda Music, Instamyndir, MekkaWines&Spirits og Tónlistarsjóður.

 

 

Tilnefningar til Íslensku tónlistarverðlaunanna 2020

By | awards, Fréttir, news, Tilnefningar 2020 | No Comments

Vök, Hatari, Hipsumhaps, Ingi Bjarni, Sykur og Sinfóníuhljómsveit Íslands með flestar tilnefningar 

 

Kunngert hefur verið hverjir hljóta tilnefningar til Íslensku tónlistarverðlaunanna 2020 eftir magnað tónlistarár 2019. Verðlaunin verða veitt í Silfurbergi Hörpu miðvikudagskvöldið 11. mars.

Tónlistarárið 2019 verður lengi í minnum haft fyrir margar sakir. Sköpunarkraftur og áræðni íslensks tónlistarfólks fór ekki framhjá neinum, hvorki hér heima né erlendis en þar skal á engan halla þegar tekið er út framlag Hildar Guðnadóttur með tónlist sinni við sjónvarpsþættina Chernobyl og kvikmyndina Joker. Hægt væri að telja upp fjölda annarra skrautfjaðra íslensks tónlistarfólks á árinu en í sömu mund getum við einnig gleðst yfir gríðarlegri nýliðun og óvenju spennandi hlutum sem eru að gerjast innan þessarar greinar.

Innsendingar til Íslensku tónlistarverðlaunanna 2020 gáfu góða mynd af afar blómlegu tónlistarstarfi ársins 2019 á öllum sviðum tónlistar en talsverð aukning varð á milli ára í öllum verðlaunaflokkum. Flestar tilnefningar til Íslensku tónlistarverðlaunanna fyrir tónlistarárið 2019 hljóta: Vök, Sykur, Ingi Bjarni Skúlason, Hatari, Hipsumhaps, Grísalappalísa, Sinfóníuhljómsveit Íslands, Íslenska Óperan, Myrkir Músíkdagar, ADHD og Einar Scheving.

Í flokki popp- og rokktónlistar mátti sjá mikla breidd í tilnefningum. Hljómsveitin Vök hlýtur flestar tilnefningar í ár eða alls átta talsins en plata sveitarinnar In the Dark hefur vakið verðskuldaða athygli hér heima sem og erlendis. Engan skal undra að gjörningahópurinn Hatari fái margar tilnefningar fyrir magnaða frammistöðu sína á síðasta ári en sveitin landar hvorki meira né minna en sjö tilnefningum. Sömuleiðis vekja nýliðarnir í Hipsumhaps athygli fyrir sínar sex tilnefningar í ár sem er afar glæsilegur árangur hjá nýliða. Stuðsveitin Sykur heillaði marga með plötu sinni JÁTAKK og fær hvorki meira né minna en fimm tilnefningar. Loks er það ljúfsárt að sjá að Grísalappalísa, sem hyggst leggja hljóðfæri sín á hilluna innan tíðar, fær fimm tilnefningar. Vonandi nógu margar til að snúa frá villu síns vegar. 

Í flokki sígildrar og samtímatónlistar var sömuleiðis mikið um dýrðir á nýliðnu ári. Verkefni Sinfóníuhljómsveitar Íslands bera þess glöggt merki, fær alls fimm tilnefningar í ár og Íslenska óperan landar þremur, m.a. fyrir frábæra útfærslu á La Traviata. Tónlistarhátíðin Myrkir músikdagar gerði meira en að festa sig rækilega í sessi sem einn af tónlistarviðburðum ársins en hún fær fjórar tilnefningar í þetta sinnið. Í flokki djass og blústónlistar er Ingi Bjarni Skúlason atkvæðamestur með fimm tilnefningar fyrir sínar margslungnu tónsmíðar á plötunni Tengingu en svo koma í humátt eftir Inga, ADHD, Sigurður Flosason og Einar Scheving með þrjár tilnefningar.

Í opnum flokki hlýtur fyrrnefnd Hildur Guðnadóttir þrjár tilnefningar, m.a. tvær í leikhús- og kvikmyndartónlist og síðan hljóta þær Kristín Anna Valtýsdóttir og Ásta Kristín Pjetursdóttir tvær tilnefningar, Kristín fyrir plötu sína I must be the devil og nýliðinn Ásta fyrir sína plötu Sykurbað en Ásta hefur vakið sérstaka athygli fyrir frumraun sína á árinu en hún lenti í þriðja sæti á Músiktilraunum Tónabæjar 2019. 

Íslensku tónlistarverðlaunin eru  byggð á fjórum meginflokkum; flokkur popp-, rokk-, hipphopp- og raftónlistar, flokkur djass- og blústónlistar, flokkur sígildrar og samtímatónlistar og að lokum flokkurinn önnur tónlist en þar eru veitt verðlaun fyrir tónlist í opnum flokki, kvikmynda- og leikhústónlist, og fyrir þjóðlaga- og heimstónlist. Veitt verða 38 verðlaun auk Heiðursverðlauna Íslensku tónlistarverðlaunanna.

Eins og undanfarin ár skera nokkur verðlaun sig úr. Þannig er Bjartasta vonin í sígildri og samtímatónlist og í djass og blústónlist útnefnd af dómnefnd og tilkynnt á verðlaunahátíðinni sjálfri. Bjartasta vonin í flokki popp-, rokk-, hipphopp- og raftónlistar er tilnefnd af starfsfólki Rásar 2 og er kosin á vefnum Ruvmenning.is. Loks fer sérstök dómnefnd á vegum Albumm.is með tilnefningar til Tónlistarmyndbands ársins en kosning fer fram á heimasíðu Albumm. Þar er hægt að horfa á myndböndin átta sem hlutu tilnefningu.

Íslensku tónlistarverðlaunin verða afhent í Hörpu miðvikudaginn 11. mars og verður verðlaunahátíðin í beinni útsendingu á RÚV. Kynnir kvöldsins er hinn lögfræðimenntaði uppistandari og rithöfundur Bergur Ebbi Benediktsson sem nýlega sló í gegn sem óvenju tæknisinnaður starfsmaður lögreglunnar í þáttunum Brot á RÚV.

Það er Samtónn sem stendur að baki Íslensku tónlistarverðlaununum en aðilar að Samtóni eru STEF – Samband tónskálda og eigenda flutningsréttar, Tónskáldafélag Íslands, Félag tónskálda og textahöfunda, SFH-Samband flytjenda og hljómplötuframleiðenda auk aðildarfélaga.Tilgangur Samtóns er að vinna að sameiginlegum hagsmunum og styrkja stöðu höfunda, flytjenda, framleiðenda og annarra rétthafa að tónlist. Samtónn kemur fram sameiginlega fyrir hönd íslenskra rétthafa og tónlistarfólks.

Frekari upplýsingar um Íslensku tónlistarverðlaunin veitir stjórn Íslensku tónlistarverðlaunanna en hana skipa Margrét Eir, Kristján Freyr Halldórsson og Jóhann Ágúst Jóhannsson.

 


Eftirtaldir hljóta tilnefningu til Íslensku tónlistarverðlaunanna.

 Rokk, popp, raftónlist, rapp og hip hop – Tilnefningar fyrir tónlistarárið 2019

Plata ársins – Rokk
Bubbi Morthens – Regnbogans stræti
Grísalappalísa – Týnda rásin
Of Monsters and Men – Fever Dream
Singapore Sling – Killer Classics
Une Misere – Sermon

Plata ársins – Popp
Between Mountains – Between Mountains
Hipsumhaps – Best gleymdu leyndarmálin
K. óla – Allt verður alltílæ
Sin Fang – Sad Party
Vök – In the Dark

Plata ársins – Raftónlist
Sykur – JÁTAKK
Sunna Margrét – Art of History
Dj Flugvél og geimskip – Our Atlantis
Bjarki – Happy Earthday
Janus Rasmussen – Vín

Plata ársins – Rapp og hip hop
Cell7 – Is anybody listening?
Countess Malaise – HYSTERÍA
Joey Christ – Joey 2

Söngvari ársins
Arnar Guðjónsson
Auður
Högni Egilsson
Júníus Meyvant
Klemens Hannigan

Söngkona ársins
Agnes Björt Andradóttir
Ásta Kristín Pjetursdóttir
Katla Vigdís Vernharðsdóttir
Margrét Rán Magnúsdóttir
Sigríður Thorlacius

Lag ársins – Popp
Auður – Enginn eins og þú
Ásgeir – Upp úr moldinni
Hipsumhaps – Lífið sem mig langar í
Hjaltalín – Baronesse
Vök – In the dark

Lag ársins – Rokk
Grísalappalísa – Þrjúhundruðsextíuogfimmdagablús (sjáðu hjónin)
Hatari – Hatrið mun sigra
Hipsumhaps – Fyrsta ástin
Of Monsters and Men – Aligator
Une Misere – Sermon

Lag ársins – Rapp og hipp hopp
Cell7 – Peachy
Flóni – Falskar ástir
Joey Christ – 100p

Lag ársins – Raftónist
Kraftgalli – Rússíbani
Sunna Margrét – Art of History
Sykur – Svefneyjar

Textahöfundur ársins
Bubbi Morthens
Fannar Ingi Friðþjófsson (Hipsumhaps)
Gunnar Ragnarsson og Baldur Baldursson (Grísalappalísa)
Hatari
Margrét Rán Magnúsdóttir (Vök)

Lagahöfundur ársins
Agnes Björt Andradóttir, Halldór Eldjárn, Kristján Eldjárn, Stefán Finnbogason (Sykur)
Arnar Guðjónsson og Hrafn Thoroddsen (Warmland)
Fannar Ingi Friðþjófsson, Jökull Breki Arnarson og Magnús Jóhann Ragnarsson (Hipsumhaps)
Hatari
Margrét Rán Magnúsdóttir (Vök)

Tónlistarviðburður ársins
Auður – “Afsakanir” – Útgáfutónleikar 29/03/2019
Bræðslan
Hatari í Eurovision
Hjaltalín í Eldborg
Iceland Airwaves

Tónlistarflytjandi ársins
Auður
Hatari
Sykur
Une Misere
Vök

Bjartasta vonin – Verðlaun veitt í samstarfi við Rás 2
Gróa
Hipsumhaps
K. Óla
Krassasig
Zöe

Tónlistarmyndband ársins – Verðlaun veitt í samstarfi við Albumm.is
Bjarki – ANa5 – Leikstjóri: Daníel Heimisson & Baldvin Vernharðsson
Doctor Victor feat. SVALA – Running Back / Leikstjóri: Anna Maggý
Hatari – Hatrið mun sigra / Leikstjóri: Baldvin Vernharðsson & Klemens Hannigan
Krummi – Stories To Tell / Leikstjóri: Frosti Jón Runólfsson
Of Monsters and Men – Wars / Leikstjóri: WeWereMonkeys
Oscar Leone – “Superstar” / Leikstjóri: Einar Egils
Vök – In the Dark / Leikstjóri: Elí.
Warmland – Blue Place / Leikstjóri: Bernhard Kristinn & Warmland

  

Sígild og samtímatónlist – Tilnefningar fyrir tónlistarárið  2019

Plata ársins
Benedikt Kristjánsson – Drang in die Ferne
Sinfóníuhljómsveit Íslands undir stjórn Daníels Bjarnasonar – Concurrence
Strokkvartettinn Siggi – South of the Circle
Sæunn Þorsteinsdóttir – Vernacular
Þóranna Dögg Björnsdóttir og Federico Placidi – LUCID

Tónverk ársins
Enigma – Anna Þorvaldsdóttir
Music to accompany your sweet splatter dreams – Bára Gísladóttir
Mysterium op. 53 – Hafliði Hallgrímsson
Crevace, konsert fyrir flautu og fagott – Páll Ragnar Pálsson
Lendh – Veronique Vaka

Söngvari ársins
Benedikt Kristjánsson
Fjölnir Ólafsson
Oddur Arnþór Jónsson

Söngkona ársins
Dísella Lárusdóttir
Guja Sandholt
Herdís Anna Jónasdóttir

Tónlistarflytjandi ársins – Einstaklingar
Bjarni Frímann Bjarnason
Laufey Jensdóttir
Sæunn Þorsteinsdóttir
Sigurgeir Agnarsson
Víkingur Heiðar Ólafsson

Tónlistarflytjandi ársins – Hópar
Elektra Ensemble – Fagnaði 10 ára starfsafmæli með útgáfu á geisladiski með verkum samin fyrir hópinn
Kammersveit Reykjavíkur – Lokatónleikar Myrkra músikdaga. Kammersinfóníur Schönbergs og Adams
Sinfóníuhljómsveit Íslands – Hljóðritun og útgáfur, tónleikar og tónleikaferðir árið 2019

Tónlistarviðburður ársins ( Einstakir tónleikar)
Hafnarborg: Hljóðön – Sýning tónlistar. Opnunarhátíð Myrka Músíkdaga
Ljóðadagar Óperudaga í RVK – The Little Match Girl Passion/Death speaks
Nordic Affect – Rökkur með Nordic Affect og Maja S. K. Ratkje
Sinfóníuhljómsveit Íslands – Sinfóníuhljómsveit Íslands undir stjórn Daníels Bjarnasonar á Myrkum músíkdögum
Strokkvartettinn Siggi – Tónlistarhátíð RÁSar 1

Tónlistarviðburðir ársins (Hátíðir, tónleikaraðir)
Listvinafélag Hallgrímskirkju :  Kirkjulistahátíð í Hallgrímskirkju
Myrkir músíkdagar :  Myrkir Músíkdagar 2019
Reykjavík midsummer music : Reykjavíki midsummer music 2019

Bjartasta von í sígildri og samtímatónlist verður kynnt 11. mars þegar tónlistarverðlaunin verða afhent í Hörpu.


Djass og blús – Tilnefningar fyrir tónlistarárið 2019

 Plata ársins
ADHD – ADHD 7
Einar Scheving – Mi Casa, Su Casa
hist og – Days of Tundra
Ingi Bjarni Skúlason – Tenging
Tómas Ragnar Einarsson – Gangandi bassi

Tónverk ársins
AVI –  Andrés Þór
Ballad for my fearless friend -Ingi Bjarni Skúlason
Counting Sheep – Sigurður Flosason
Hangir  – ADHD
Óravídd – Einar Scheving

Lagahöfundur ársins
Anna Gréta Sigurðardóttir
Einar Scheving
Ingi Bjarni Skúlason
Mikael Máni Ásmundsson
Tómas Ragnar Einarsson

Tónlistarflytjandi ársins – Einstaklingur
Andrés Þór
Anna Gréta Sigurðardóttir
Ingi Bjarni Skúlason
Sigurður Flosason
Sunna Gunnlaugsdóttir

Tónlistarflytjandi ársins – Hópar
ADHD
hist og
Ingi Bjarni Kvintett
Sigurður Flosason DeLux
Stórsveit Reykjavíkur

Tónlistarviðburður ársins
Tónleikaröð Stórsveitar Reykjavíkur
Tónleikadagskrá Jazzklúbbsins Múlans í Hörpu
Freyjujazz

Bjartasta von í djass og blús verður kynnt á sjálfri hátíðinni þann 11. mars næstkomandi.

Önnur tónlist: Opinn flokkur, kvikmynda- og leikhústónlist, þjóðlaga- og heimstónlist Tilnefningar fyrir tónlistarárið 2019

Plata ársins – Opinn flokkur
Hlökk – Hulduhljóð
Kristín Anna – I must be the devil
Kristofer Rodríguez Svönuson – Primo
Marína Ósk – Athvarf
Ólafur Björn Ólafsson og Jo Berger Myhre – Lanzarote

Plata ársins – Þjóðlagatónlist
Ásta – Sykurbað
Góss – Góssentíð
Lára Rúnars – Rótin
Ragnheiður Gröndal – Töfrabörn
Umbra – LLIBRE VERMELL

Plata ársins – Leikhús- og kvikmyndatónlist
Arnar Guðjónsson – France terres sauvages
Herdís Stefánsdóttir – The sun is also a star
Hildur Guðnadóttir – Chernobyl
Hildur Guðnadóttir – Joker
Tryggvi M. Baldvinsson og Einar Sv. Tryggvason – Flateyjargátan (The Flatey Enigma)

Lag ársins/Tónverk ársins í Opnum flokki
Ásta – Sykurbað
Hróðmar I. Sigurbjörnsson og Ragnheiður Erla Björnsdóttir – Konan og selshamurinn
Lára Rúnars – Altari
Marína Ósk – Rigning
Teitur Magnússon – Skriftagangur  

Plötuumslag ársins
Cell7 – Is anybody listening?
Countess Malaise – HYSTERÍA
Dj. Flugvél og geimskip – Our Atlantis
Grísalappalísa – Týnda rásin
Kristin Anna – I must be the devil 

Upptökustjórn ársins

Grísalappalísa – Týnda rásin
Albert Finnbogason: Upptökustjórn, upptökur og hljóðblöndun. Tumi Árnason: Annar stýrimaður, auka upptökur. Finnur Hákonarson: Hljómjöfnun

Hildur Guðnadóttir – Chernobyl
Hildur Guðnadóttir og Sam Slater: Upptökustjórn og gerð hljóðmyndar

hist og – Days of Tundra
Albert Finnbogason: Upptökustjórn, upptökur og hljóðböndun. Paul Corley: Hljómjöfnun

Sinfóníuhljómsveit Íslands – Concurrence
Daniel Shores: Upptökustjórn og gerð hljóðmyndar

Vök – In The Dark
James Earp, Margrét Rán Magnúsdóttir og Einar Hrafn Stefánsson: Upptökustjórn og gerð hljóðmyndar