Category

Verðlaunahafar 2018

Umbra – Sólhvörf

By | Verðlaunahafar 2018 | No Comments

Umbra – Sólhvörf (þjóðlagaplata ársins)

Sólhvörf var valin þjóðlagaplata ársins en þar tekur sveitin Umbra hlustandann í heillandi ferðalag þar sem tónlist tengd dimmum vetrardögum er í forgrunni. Virkilega vönduð plata þar sem lögin eiga það sameiginlegt að vera framúrskarandi útsett og flutt.

Karl Olgeirsson átti djassplötu ársins og var valinn lagahöfundur ársins

By | Verðlaunahafar 2018 | No Comments

Karl Olgeirsson – Djassplata ársins og lagahöfundur ársins í djass og blús

Í flokki djass og blús var það Karl Olgeirsson sem stóð uppi með tvenn verðlaun, fyrir djassplötu ársins og sem lagahöfundur ársins. Plata Karls, Mitt bláa hjarta þykir með afbrigðum góð en hún inniheldur fjórtán nýja djasssöngva. Bæði tónsmíðar og textar eru grípandi með hnyttnum skírskotunum í íslenskan veruleika en fjöldi söngvara og hljóðfæraleikara kemur fram á plötunni og er hún kærkomin viðbót í flóru íslenskra djasssöngva. Lagasmíðar plötunnar þykja sem fersk vindhviða inn í tónlistarlífið, fjölbreytt og aðgengileg án þess að gefa nokkurn afslátt af fagurfræði eða innihaldi.

GDRN og Auður

By | Verðlaunahafar 2018 | No Comments

GDRN og Auður

Tónlistarkonan GDRN, eða Guðrún Ýr Eyfjörð Jóhannesdóttir eins og hún heitir fullu nafni hlaut fern verðlaun á hátíðinni og má segja að þetta hafi verið kvöldið hennar. Plata GDRN, Hvað ef var valin poppplata ársins en hér er á ferðinni einstaklega frambærileg frumraun þar sem allt smellur saman, frábærar lagasmíðar og áhugaverðir textar. Lagið Lætur mig sem hún syngur með Flóna og samið með ra:tio var valið popplag ársins og Guðrún Ýr var kosin söngkona ársins í flokki popp, rokk, raf- og hiphopptónlistar. Að endingu fékk GDRN verðlaun fyrir myndband ársins við lagið Lætur mig en myndbandinu er leikstýrt af Ágústi Elí Ásgeirssyni. Frábær uppskera hjá vaxandi listakonu.

Auðunn Lúthersson (Auður) er búinn að stimpla sig rækilega inn og átti hreint út sagt frábært ár í fyrra og uppskar eftir því á verðlaunaafhendingu kvöldsins. Plata hans Afsakanir var valin plata ársins í raftónlist auk þess sem Auður var valinn lagahöfundur ársins 2018 en platan þykir afar heilsteypt verk sem einkennist af sterkum lagasmíðum og nær óaðfinnanlegri upptökustjórn og hljóðblöndun. Þess má geta að Auður hlaut flestar tilnefningar í ár eða alls átta talsins en hann hlaut jafnframt tvenn verðlaun á Íslensku tónlistarverðlaunum árið 2017.

Gyða Valtýsdóttir – Evolution

By | Verðlaunahafar 2018 | No Comments

Gyða Valtýsdóttir – Evolution

Evolution var valin plata ársins í opnum flokki en á henni þykir Gyða Valtýsdóttir  sýna gríðarlega sterk höfundareinkenni á sinni fyrstu sólóplötu með frumsömdu efni. Þversögn einkennir plötuna en hún er kraftmikil og sannfærandi, en um leið viðkvæmnisleg og blíð.