Móttaka innsendinga
Frá 1. desember 2023 til 19. janúar 2024 (ath. frestur framlengdur frá því sem áður var auglýst) taka Íslensku tónlistarverðlaunin við innsendingum frá tónlistarfólki, útgefendum og öðrum fyrir tónlistarárið 2023. Veitt verða verðlaun í 22 flokkum.
Í fjórum yfirflokkum; Popp-, rokk-, raf- og hipphopptónlist, sígildri og samtímatónlist, djasstónlist og loks annarri tónlist (kvikmynda-, leikhús, þjóðlaga- og heimstónlist meðal annars) eru veitt fern verðlaun fyrir plötur ársins, lög og tónverk ársins, flytjendur ársins og söng ársins. Þvert á alla flokka er svo verðlaunað fyrir tónlistarviðburð, framúrskarandi upptökustjórn, myndband, plötuumslag og texta ársins.
Loks sér dómnefndaakademía verðlaunanna um að útnefna björtustu vonina og sérstakan heiðursverðlaunahafa hvers árs.
Verðlaunin verða afhent í Hörpu 12. mars 2024.
Viltu að þú eða verkefnið komi til greina?
Tekið er á móti innsendingum á sérstökum innsendingarvef verðlaunanna.